看了藍莓之夜, 感覺很好~
這幾天都在聽norah jones的歌, 連空氣也浪漫起來。
放完長假, 大家都心散極了! 中二中四都係一樣, 冇心機上堂, 好無奈~
有時會很沮喪, 覺得中四再唔追, 就真的來不及了! 十萬個唔想佢地明年攞cert時怨我... 說真的, 會考班不容易教, 學習差異超大, 責任又異常重大... 總有種拉牛上樹的感覺。今日留了個學生作文, 傾談之間, 佢話:「miss你唔明嫁喇! 你大我地咁多!」我心諗: 好多咩... 計計下, 8年... 又真係幾多... 之後佢話:「其實無論d人教得好定唔好, 我地都唔會聽嫁啦... 」 我 O 咀, 心諗: 咁抵死...? 佢再話:「 我地淨係會諗去邊度玩ga ja, 其他乜都唔會理!」 我灰左: 咁即係叫我摺埋jei... 不過我欣賞佢, 講心o個句~
放工返屋企, 途中個腦不停轉, 諗緊點算好! 諗下諗下, 諗番自己中四、五時, 咪又係一樣~ 考mock時期, 仲走去仙跡岩食tea, 仲要食足3個半鐘, 之後幾個人不約而同咁問:「我地o係度做緊乜? 唔係應該一早返左屋企讀書既咩?!」 結果, 都係到最後一刻先發下力, "r"個中六學位返黎~
陳年舊事lu~ 諗番F. 4、5、6真係過得好開心~ 到F.7同year1, 發生左好多事, 先開始發覺要迫自己長大~
明天又要開始返part-time, 慘~ 又要趕功課, 忙~
不過, 呢兩日還在煲交響情人夢SP, 仲有kame "一磅的福音" (個名好怪~)!
交響情人夢SP可以circulate, 極力推薦~
